ಕೋರೊನಾ ವ್ಯಾಧಿಯ ವಿರುದ್ಧ ಪಾಲಿಸಬೇಕಾದ ಸೂಚನೆಗಳನ್ನು ದೇವಾಲಯದಲ್ಲಿ ಮಾತ್ರವಲ್ಲ ಎಲ್ಲೆಡೆಯಲ್ಲಿಯೂ ಪಾಲಿಸಿರಿ ಮತ್ತು ಪಾಲಿಸುವಂತೆ ಇತರರನ್ನು ಪ್ರೋತ್ಸಾಹಿಸಿರಿ.
ಬಲಿಪೂಜೆಯಲ್ಲಿ ಭಕ್ತಿಯಿಂದ ಹಾಡುತ್ತಾ ಭಾಗವಹಿಸಲು ಸಹಾಯ ಮಾಡಿದ ಗಾಯನ ವೃಂದದ ಸದಸ್ಯರಿಗೆ ವಂದನೆಗಳು.
ಬಲಿಪೂಜೆಗೆ ಎಲ್ಲಾ ವ್ಯವಸ್ಥೆ ಮಾಡಿದ ಕನ್ಯಾಭಗಿನಿಯರಿಗೆ, ಪಾಲನಾ ಸಮಿತಿ ಸದಸ್ಯರಿಗೆ ಮತ್ತು ಯುವಕ-ಯುವತಿಯರಿಗೆ ಕೃತಜ್ಞತೆಗಳು.
ಇಂದು, 20-12-2020ರಂದುಬಲಿಪೂಜೆಯ ನಂತರ ಒಂದು ಘಂಟೆ ಸಮಯ ಪರಮಪ್ರಸಾದ ಆರಾಧನೆ ಇರುತ್ತದೆ, ಈ ಸಮಯದಲ್ಲಿ ಪಾಪವಿಖ್ಯಾಪನೆಯನ್ನು ಕೇಳಲು ಗುರುಗಳು ಲಭ್ಯವಿರುತ್ತಾರೆ. ಈ ಅವಕಾಶವನ್ನು ಸದುಪಯೋಗಪಡಿಸಿಕೊಂಡು ಕ್ರಿಸ್‍ಮಸ್‍ ಹಬ್ಬಕ್ಕೆ ಆಂತರಿಕವಾಗಿ ಆಧ್ಯಾತ್ಮಿಕವಾಗಿ ಸಿದ್ದರಾಗುವಂತೆ ಕೇಳಿಕೊಳ್ಳುತ್ತೇನೆ. ಯುವಕರು ಉಪಹಾರವನ್ನು ಆಯೋಜಿಸಿದ್ದಾರೆ, ದಯಮಾಡಿ ಸ್ವೀಕರಿಸಿರಿ.
ಬರುವ 23-12-2020, ಬುಧವಾರದಂದು ಸಂಜೆ 5-30 ಗಂಟೆಗೆ ನಮ್ಮ ಧರ್ಮಕೇಂದ್ರದ ಗಾಯನ ವೃಂದವು ಬೆಂಗಳೂರಿನ ಒಡನಾಡಿ ತಂಡದ ಜೊತೆಯಲ್ಲಿ ಕ್ಯಾರೋಲ್ಸ್‍ ಗಾಯನ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಾರೆ. ಇದು ಫೇಸ್‍ಬುಕ್‍ ಮತ್ತು ಯೂಟ್ಯೂಬ್‍ನಲ್ಲಿ ನೇರಪ್ರಸಾರವಾಗುತ್ತದೆ. ಇದನ್ನು ಈಕ್ಷಿಸಿ ಪ್ರೋತ್ಸಾಹಿಸಬೇಕೆಂದು ಕೇಳಿಕೊಳ್ಳುತ್ತೇನೆ.
ಬರುವ 24-12-2020ರಂದು ರಾತ್ರಿ 11-00 ಗಂಟೆಗೆ ಕ್ಯಾರೊಲ್ಸ್‍ ಹಾಡುಗಳ ಗಾಯನ ಮತ್ತು 11-45 ಗಂಟೆಗೆ ಕ್ರಿಸ್‍ಮಸ್‍ ಹಬ್ಬದ ವಿಜೃಂಭಣೆಯ ಗಾಯನ ಬಲಿಪೂಜೆ.
ಬರುವ 25-12-2020ರಂದು ಬೆಳಿಗ್ಗೆ 8.30 ಗಂಟೆಗೆ ಕ್ರಿಸ್‍ಮಸ್‍ ಹಬ್ಬದ ಬೆಳಗಿನ ಗಾಯನ ಬಲಿಪೂಜೆ.
ಇಂದಿನ ಬಲಿಪೂಜಾರಾಧನಾ ವಿಧಿಗೆ ಸಹಾಯ ಮಾಡಿದ ಮನುಕುಲ ಮಾತೆ ಯುವ ಬಳಗವನ್ನು ಎಲ್ಲಾ ಕುಟುಂಬಗಳಿಗೆ ಧನ್ಯವಾದಗಳನ್ನು ಸಮರ್ಪಿಸುತ್ತೇನೆ.
ಬರುವ ಭಾನುವಾರ ಬಲಿಪೂಜಾರಾಧನಾ ವಿಧಿಗೆ ಸಹಾಯ ಮಾಡಲು ಮನುಕುಲ ಮಾತೆ ಮರಿಯಮ್ಮನವರ ಸೈನ್ಯದ ಸದಸ್ಯರನ್ನು ಆಹ್ವಾನಿಸುತ್ತೇನೆ.
